മലയാള ചലച്ചിത്രരംഗത്ത് നാല് പതിറ്റാണ്ടുകളായി സജീവമായി അഭിനയിച്ചു കൊണ്ടിരിക്കുന്ന മലയാളികളുടെ സ്വകാര്യ അഹങ്കാരമായ പ്രിയ നടന് മോഹന്ലാല് മോഹന്ലാല് ഇന്ന് 63-ാം പിറന്നാള് ആഘോഷിക്കുകായണ്. മുന്ഗാമികളും പിന്ഗാമികളുമില്ലാത്ത നടനവിസ്മയം. ഒറ്റയാനെ പോലെ സിനിമാ ലോകത്തേക്ക് പിച്ചവെച്ച് വന്ന മനുഷ്യന് മലയാള സിനിമയെന്ന ഗോളത്തിനുള്ളില് ഒറ്റയ്ക്കൊരു ലോകം തീര്ത്തു . ഒരിക്കലും മറക്കാത്ത, മലയാള സിനിമ ഉള്ളടിത്തോളം കാലം മലയാളി മറക്കാത്ത പേരാണ് മോഹന്ലാല്.
നാല് ദേശീയ പുരസ്കാരങ്ങള്, ഒന്പത് സംസ്ഥാന പുരസ്കാരങ്ങള്, പത്മശ്രീ, പത്മഭൂഷണ് അങ്ങനെ ഒട്ടനവധി നേട്ടങ്ങളാണ് അദ്ദേഹം നേടിയത്. മലയാളത്തിനു പുറമേ തമിഴ്, ഹിന്ദി, തെലുങ്ക്, കന്നഡ തുടങ്ങിയ ഭാഷകളിലും അദ്ദേഹം അഭിനയിച്ചു.
ഏറെ പ്രതീക്ഷയോടെ കാത്തിരിക്കുന്ന നിരവധി പ്രോജക്ടുകളുമായി ഈ വര്ഷം ഗംഭീരമായ തിരിച്ചുവരവിന് തയ്യാറെടുക്കുകയാണ് മോഹന്ലാല്. സമീപ വര്ഷങ്ങളിലെ ഐതിഹാസിക നടന്റെ തുടര്ച്ചയായ പരാജയങ്ങളില് ആരാധകര് നിരാശരായതിനാല്, തന്റെ സിംഹാസനം വീണ്ടെടുക്കാന് അദ്ദേഹം തിരിച്ചെത്തേണ്ട സമയമാണിത്. മലയ്ക്കോട്ടൈ വാലിബന്’, ‘എല് 2: എമ്ബുരാന്’, ‘ബറോസ് റാം എന്നിവയുള്പ്പെടെ ഏറെ പ്രതീക്ഷയോടെ കാത്തിരിക്കുന്ന നിരവധി പ്രോജക്ടുകള് നിലവില് മോഹന്ലാലിനുണ്ട്.