മലപ്പുറം: താനൂരില് വിനോദ സഞ്ചാര ബോട്ട് മറിഞ്ഞ് മരിച്ചവരുടെ കുടുംബങ്ങള്ക്ക് 10 ലക്ഷം രൂപ ധനസഹായം പ്രഖ്യാപിച്ച് സംസ്ഥാന സര്ക്കാര്. ചികിത്സയിലുള്ളവരുടെ മുഴുവന് ചികിത്സാചെലവും സര്ക്കാര് വഹിക്കും. സംഭവത്തില് മുഖ്യമന്ത്രി പിണറായി വിജയന് ജുഡീഷ്യല് അന്വേഷണം പ്രഖ്യാപിച്ചു.
അതേസമയം, മുഖ്യമന്ത്രി തിരൂരങ്ങാടി താലൂക്ക് ആശുപത്രിയിലും സംസ്കാരം നടക്കുന്ന മദ്രസയിലും എത്തി. തിരൂരങ്ങാടിയില് മുസ്ലിം ലീഗ് നേതാക്കള് അടക്കമുള്ളവരുമായി യോഗം ചേര്ന്നു.
22 പേരാണ് ദുരന്തത്തില് മരിച്ചത്. മരിച്ചവരില് 7 കുട്ടികളും ഉള്പ്പെടുന്നു. ഇതില് 11 പേര് ഒരു കുടുംബത്തിലെ അംഗങ്ങളാണ്. അപകടത്തില് 10 പേര്ക്ക് പരുക്കേറ്റു. അതില് 8 പേര് ആശുപത്രിയില് ചികിത്സയിലാണ്. 8 മന്ത്രിമാരും ഡിജിപിയും സിപിഎം സംസ്ഥാന സെക്രട്ടറി എം.വി.ഗോവിന്ദനും തിരൂരങ്ങാടി താലൂക്ക് ആശുപത്രി സന്ദര്ശിച്ചു.