തിരുവനന്തപുരം: നോർക്ക റൂട്ട്സിന്റെ കീഴിൽ തിരുവനന്തപുരത്ത് പ്രവർത്തിക്കുന്ന നോർക്ക ഇൻസ്റ്റിറ്റ്യൂട്ട് ഓഫ് ഫോറിൻ ലാംഗ്വേജിൽ (NIFL) ഐ.ഇ.എൽ.ടി.എസ് (IELTS) ബാച്ചുകളിലേക്ക് അഡ്മിഷൻ ആരംഭിച്ചു. ഓൺലൈൻ ബാച്ച് രാവിലെ 7 മുതൽ 9 വരെയും ഓഫ് ലൈൻ ബാച്ച് ഉച്ചയ്ക്ക് 2:30 മുതൽ 4:30 വരെയും ആണ് ക്രമീകരിച്ചിരിക്കുന്നത്. ഓൺലൈൻ ബാച്ചിലേക്ക് മുൻകാല IELTS പരീക്ഷയിൽ ഓവറോൾ സ്കോർ 6.5 നേടിയ നഴ്സിംഗ് ബിരുദധാരികൾക്കാണ് പ്രവേശനം. എസ് സി /എസ് ടി , ബി.പി,എൽ വിഭാഗങ്ങൾക്ക് ഫീസ് സൗജന്യമാണ്. മറ്റു വിഭാഗങ്ങൾക്ക് 25 ശതമാനം ഫീസ് അടച്ചാൽ മതിയാകും. 75 ശതമാനം സർക്കാർ സബ്സിഡിയാണ്. ഓൺലൈൻ കോഴ്സ് തിരഞ്ഞെടുക്കുന്നവർ 25 ശതമാനം ഫീസ് അടയ്ക്കേണ്ടതാണ്.
അഡ്മിഷൻ നേടാൻ താല്പര്യമുള്ളവർ www.nifl.norkaroots.orgഎന്ന വെബ്സൈറ്റ്ൽ May 10ന് മുമ്പായി രജിസ്റ്റർ ചെയ്യുക . കൂടുതൽ വിവരങ്ങൾക്ക് 24 മണിക്കൂറും പ്രവർത്തിക്കുന്ന നോർക്ക ഗ്ലോബൽ കോൺടാക്ട് സെന്ററിന്റെ ടോൾ ഫ്രീ നമ്പറുകളിലോ ബന്ധപ്പെടാവുന്നതാണ്. ഇന്ത്യയിൽ നിന്നും 18004253939, വിദേശത്തുനിന്നും +91-8802012345 (മിസ്സ്ഡ് കോൾ സർവ്വീസ് )