കൊച്ചി: സ്വീഡിഷ് അന്താരാഷ്ട്ര ചലച്ചിത്ര മേളയില് മികച്ച അന്താരാഷ്ട്ര ഫീച്ചര് ഫിലിമിനുള്ള പുരസ്കാരം കരസ്ഥമാക്കി മലയാള ചിത്രം ‘ജോജി’. ഫഹദ് ഫാസില് ദിലീഷ് പോത്തന് കൂട്ടുകെട്ടില് ഒരുങ്ങിയ ചിത്രം പുറത്തിറങ്ങിയപ്പോള് തന്നെ വലിയ സ്വീകാര്യത ലഭിച്ചിരുന്നു. ആമസോണ് പ്രൈമിലൂടെയാണ് ചിത്രം പ്രേക്ഷകരിലേക്കെത്തിയത്.
പുരസ്കാരം ലഭിച്ചതില് സന്തോഷം എന്ന് ഫഹദ് തന്റെ ഫെയ്സ്ബുക്കില് കുറിച്ചു. ‘സ്വീഡനില് നിന്ന് സന്തോഷ വാര്ത്ത’ എന്ന തലക്കെട്ടോടെയാണ് ഫഹദ് പുരസ്കാര ലഭിച്ച വിവരം പങ്കുവെച്ചത്.
മഹേഷിന്റെ പ്രതികാരത്തിന് ശേഷം ശ്യാം പുഷ്കരന്റെ തിരക്കഥയില് ദിലീഷ് പോത്തന് സംവിധാനം ചെയ്ത രണ്ടാമത്തെ ചിത്രമായിരുന്നു ജോജി. ബാബുരാജ്, ഷമ്മി തിലകന്, അലിസ്റ്റര് അലക്സ്, ഉണ്ണിമായ പ്രസാദ് എന്നിവരായിരുന്നു ചിത്രത്തിലെ മറ്റ് പ്രധാന താരങ്ങള്.