കൊച്ചി: ലക്ഷദ്വീപില്‍ തീരത്തോട് ചേര്‍ന്ന വീടുകള്‍ പൊളിക്കാനുള്ള ഉത്തരവിന് ഹൈക്കോടതിയുടെ സ്‌റ്റേ. ഉടമകള്‍ നല്‍കിയ ഹര്‍ജിയിന്മേലാണ് ഉത്തരവ്.
ദ്വീപുകളില്‍ തീരത്തോട് ചേര്‍ന്ന വീടുകളും ഷെഡുകളും നിര്‍മിച്ചത് അശാസ്ത്രീയവും നിയമലംഘനവുമാണെന്ന് ചൂണ്ടിക്കാട്ടി അഡ്മിനി്‌ട്രേറ്റര്‍ വിശദീകരണം ആവശ്യപ്പെട്ടിരുന്നു. വ്യക്തമായ രേഖകളില്ലാത്തവ പൊളിച്ചുനീക്കുമെന്നായിരുന്നു ഭരണകൂടത്തിന്റെ നിര്‍ദ്ദേശം. ഇതിനുള്ള ചിലവ് നിര്‍മ്മാണം നടത്തിയവരില്‍ നിന്നും ഈടാക്കുമെന്നാണ് അറിയിച്ചത്. പൊളിച്ചുനീക്കല്‍ ഉത്തരവ് സംബന്ധിച്ച് മൂന്നാഴ്ചയ്ക്കകം വിശദീകരണം നല്കാനും ജസ്റ്റിസ് രാജ വിജയരാഘവന്റെ ബെഞ്ച് ലക്ഷദ്വീപ് ഭരണകൂടത്തിനോട് ആവശ്യപ്പെട്ടു.
2021-06-29