ടോക്കിയോ: കൊറോണ മാനദണ്ഡങ്ങള് പാലിച്ച് ഒളിമ്പിക്സില് കാണികളെ പ്രവേശിപ്പിക്കാന് ഒളിമ്പിക്സ് കമ്മിറ്റി. പതിനായിരം കാണികളെ വീതമായിരിക്കും പ്രവേശിപ്പിക്കുക. പക്ഷെ വിദേശ സഞ്ചാരികള്ക്ക് അനുമതിയില്ല. ഒളിമ്പിക്സിനെത്തുന്നവര് രണ്ടു വാക്സിനും എടുത്തിട്ടുണ്ടോ എന്നത് വിമാനത്താവളം മുതല് പരിശോധിക്കും.
ജൂലൈ 23ന് ആരംഭിക്കുന്ന ലോകകായിക മാമാങ്കത്തിന് വേദികളില് 50 ശതമാനം പേര്ക്കാണ് അനുമതിയുള്ളത്. കായികതാരങ്ങള്ക്കും പരിശീലകര്ക്കുമായി മികച്ച റെസ്റ്റോറന്റുകളും പരിശീലന സൗകര്യവും ജിമ്മുകളും ഒരുക്കിയിട്ടുണ്ട്. 12000 അത്ലറ്റുകള് ക്കായി 23 കെട്ടിടങ്ങളാണ് പണിതീര്ന്നിരിക്കുന്നത്. പഞ്ചനക്ഷത്ര ഹോട്ടലുകളെ വെല്ലുന്ന കിടപ്പുമുറികളും വിശ്രമമുറികളും ഒരോ രാജ്യത്തിനായും പ്രത്യേകം ബ്ലോക്കുകളാക്കി തയ്യാറാക്കിയിട്ടുണ്ട്.