തിരുവനന്തപുരം: ഇസ്രായേലില് കൊല്ലപ്പെട്ട സൗമ്യയുടെ കുടുംബത്തിന് ധനസഹായം പ്രഖ്യാപിച്ച് സംസ്ഥാന സര്ക്കാര്. സൗമ്യയുടെ മകന്റെ പേരില് അഞ്ച് ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയില് നിന്നും സ്ഥിരനിക്ഷേപം നടത്തും. മാത്രമല്ല, കുട്ടിയുടെ വിദ്യാഭ്യാസ ചിലവും ഏറ്റെടുക്കാന് ഇന്നലെ ചേര്ന്ന മന്ത്രിസഭാ യോഗത്തില് തീരുമാനിച്ചിട്ടുണ്ട്.
കൂടാതെ, ജൂണ് 9 അര്ധരാത്രി മുതല് ജൂലൈ 31 വരെ 52 ദിവസം ട്രോളിംഗ് നിരോധനം ഏര്പ്പെടുത്താനും, ഗവണ്മെന്റ് ചീഫ് വിപ്പായി ഡോ. എന്. ജയരാജിനെ ക്യാബിനറ്റ് റാങ്കോടെ നിയമിക്കാനും മന്ത്രിസഭായോഗം തിരുമാനിച്ചു. മാത്രമല്ല, ജയില് ഉപദേശക സമിതിയുടെയും നിയമ വകുപ്പിന്റെയും ശുപാര്ശയുടെ അടിസ്ഥാനത്തില് തിരുവനന്തപുരം സെന്ട്രല് പ്രിസണ്് ആന്റ് കറക്ഷണല് ഹോമിലെ ആറ് തടവുകാരുടെ ശിക്ഷാകാലയളവ് ഇളവു ചെയ്ത് അകാലവിടുതല് നല്കുന്നതിന് ഗവര്ണറോട് ശുപാര്ശ ചെയ്യാനും മന്ത്രിസഭായോഗം തീരുമാനിച്ചു.
2021-06-03