തിരുവനന്തപുരം: തിരുവനനന്തപുരം മെഡിക്കല് കോളേജ് ആശുപത്രിയില് ചികിത്സയില് കഴിയുന്ന ഏഴ് പേര്ക്ക് ബ്ലാക്ക് ഫംഗസ് ബാധ. വായുവിലുള്ള മ്യൂക്കോമൈസെറ്റിസ് എന്ന ഫംഗസ് ആണ് രോഗബാധയുണ്ടാക്കുന്നത്. എന്നാല് ഇത് മാരകമല്ല. കോവിഡ് ബാധിതര്, പ്രമേഹ രോഗികള്, രോഗപ്രതിരോധ ശേഷി കുറഞ്ഞവര് തുടങ്ങിയവരില് ഫംഗസ് ബാധയ്ക്ക് സാധ്യത കൂടുതലുണ്ട്.ആന്റി ഫംഗല് മരുന്നുകള് ഉപയോഗിച്ച് ബ്ലാക്ക് ഫംഗസ് ബാധ ചികിത്സിച്ച് ഭേദപ്പെടുത്താന് സാധിക്കും. കോവിഡ് ബാധിതരില് ബ്ലാക്ക് ഫംഗസ് വലിയതോതില് കാണപ്പെടുന്നതായി എയിംസ് മേധാവി ഡോ. രണ്്ദീപ് ഗുലേറിയ കഴിഞ്ഞ ദിവസം പറഞ്ഞിരുന്നു.ഫംഗസ് ബാധക്കെതിരെ വിവധ സംസ്ഥാനങ്ങള് ജാഗ്രതാ നിര്ദേശം നല്കിയിട്ടുണ്ട്.ഡല്ഹി എയിംസില് മാത്രം 23 പേര്ക്ക് ഈ ഫംഗസ് ബാധ റിപ്പോര്ട്ട് ചെയ്യപ്പെട്ടിട്ടുണ്ടെന്നും ഇതില്് 20 പേരും കോവിഡ് ബാധിതരാണെന്നും എയിംസ് മേധാവി ഡോ. രണ്ദീപ് ഗുലേറിയ പറഞ്ഞു. വായുവിലുള്ള മ്യൂക്കോമൈസെറ്റിസ് എന്ന ഫംഗസാണ് രോഗബാധയുണ്ടാക്കുന്നത്. വായു, മണ്ണ്, ഭക്ഷണം എന്നിവയിലൊക്കെ ഈ ഫംഗസ് ഉണ്ടാകാം.രണ്ടാംഘട്ട ഫംഗസ് ബാധ ചിലപ്പോള് തീവ്രതയുള്ളതും മാരകവുമായി മാറിയേക്കാം. ബ്ലാക്ക് ഫംഗസിനെതിരെ ജാഗ്രത പുലര്ത്തണമെന്ന് കേന്ദ്ര ആരോഗ്യമന്ത്രാലയവും ഇന്ത്യന് കൗണ്സില് ഓഫ് മെഡിക്കല് റിസര്ച്ച് (ഐസിഎംആര്) കഴിഞ്ഞ ദിവസങ്ങളില് ആവശ്യപ്പെട്ടിരുന്നു. കണ്ണിനും മൂക്കിനും ചുറ്റും വേദനയും ചുവപ്പും, പനി, തലവേദന, ചുമ, ശ്വാസംമുട്ടല്, രക്തം ഛര്ദിക്കല്, മാനസികാവസ്ഥയില് വ്യതിയാനം തുടങ്ങിയവയെല്ലാം ബ്ലാക്ക് ഫംഗസിന്റെ ലക്ഷണങ്ങളാണ്.
2021-05-16