തിരുവനന്തപുരം: എന്എസ്എസ് ജനറല് സെക്രട്ടറി സുകുമാരന് നായര് സര്ക്കാരിനെ അട്ടിമറിക്കാനുള്ള ശ്രമങ്ങള്ക്ക് കൂട്ടുനിന്നുവെന്ന വിമര്ശനവുമായി എല്ഡിഎഫ് കണ്വീനര് എ വിജയരാഘവന്. പാര്ട്ടി മുഖപത്രത്തിലെഴുതിയ ലേഖനത്തിലാണ് എന്എസ്എസിനെതിരെ വിമര്ശനമുള്ളത്. സംസ്ഥാന നിയമസഭാ തിരഞ്ഞെടുപ്പുഫലം കേരളത്തിലെ രാഷ്ട്രീയ ഘടനയില്് സുപ്രധാനമായ മാറ്റത്തിന് വഴിതുറന്നിരിക്കുകയാണ് എന്ന് അഭിപ്രായപ്പെട്ടുകൊണ്ടാണ് വിജയരാഘവന്റെ ലേഖനം ആരംഭിക്കുന്നത്.
2021 ലെ തിരഞ്ഞെടുപ്പിലും ഇടതിന് തുടര്ഭരണം ലഭിക്കാതിരിക്കാന് രാഷ്ട്രീയപാര്ട്ടികള് തമ്മില് അവിശുദ്ധ സഖ്യമുണ്ടായിരുന്നുവെന്നും അട്ടിമറി ശ്രമങ്ങള്ക്ക് സാമുദായിക ചേരുവ നല്കാന് സുകുമാരന് നായര്് പരസ്യ പ്രസ്താവനകളുമായി രംഗത്തുവന്നുവെന്നും വിജയരാഘവന് കുറ്റപ്പെടുത്തുന്നു. വലിയതോതില് കള്ളപ്പണം കേരളത്തിലേക്ക് കുഴല്പ്പണമായി ഒഴുകി. ജനവിധി അട്ടിമറിക്കാനാണ് ഇതിലൂടെ കേന്ദ്രാധികാരത്തിലുള്ള ബിജെപി ശ്രമിച്ചത്.തെരഞ്ഞെടുപ്പിന് കേരളത്തില് എത്തിയ നരേന്ദ്ര മോഡി, അമിത് ഷാ ദ്വയം പ്രചാരണയോഗങ്ങളില് ശരണം വിളിച്ചതും രാഷ്ട്രീയ ലാഭത്തിനായിരുന്നു. രാഹുല് ്പ്രിയങ്ക സഹോദരങ്ങള് മുഖ്യശത്രുവായി പിണറായി വിജയനെയാണ് അടയാളപ്പെടുത്തിയത്. ഇതും കേരളത്തിലെ ഇടതുപക്ഷ സര്ക്കാരിനെ അട്ടിമറിക്കാനുള്ള ശ്രമത്തിന്റെ ഭാഗമായിരുന്നു. ഇതിനെല്ലാം സുകുരമാരന് നായര് സാമുദായിക ചേരുവ നല്കാന് ശ്രമിച്ചുവെന്നും ലേഖനത്തില് ചൂണ്ടിക്കാണിക്കുന്നു.
2021-05-07