മികച്ച അഭിനയ ശൈലിയിലൂടെ പ്രേക്ഷക മനസ്സിൽ ഇടം നേടിയ താരമാണ് പാർവതി തിരുവോത്ത്. മലയാളത്തിന് പുറമേ തമിഴിലും പാർവതി മികച്ച കഥാപാത്രങ്ങളെ അവതരിപ്പിച്ചിട്ടുണ്ട്. വിക്രം നായകനായി എത്തിയ തങ്കലാൻ എന്ന ചിത്രത്തിൽ ശ്രദ്ധേയമായ പ്രകടനമാണ് പാർവതി കാഴ്ചവച്ചത്. ഇപ്പോൾ വിക്രത്തെക്കുറിച്ച് പാർവതി സംസാരിച്ച വാക്കുകളാണ് വൈറൽ ആകുന്നത്.
ഒട്ടും ഈഗോ ഇല്ലാത്ത നടനാണ് വിക്രം എന്നാണ് പാർവതി പറയുന്നത്. വിക്രത്തെപ്പോലെ നല്ല അഭിനേതാവായും നല്ല സുഹൃത്തുമൊക്കെയായും മാറാൻ തനിക്കും കഴിയണമെന്ന് ആഗ്രഹമുണ്ടെന്ന് താരം വ്യക്തമാക്കി. ഈഗോ എന്ന സാധനം ഒട്ടും ഇല്ലാത്ത ഒരു നടനാണ് വിക്രം. തങ്കലാന്റെ സെറ്റിൽ അദ്ദേഹം തങ്കലാനും താൻ ഗംഗാമ്മാളും ആയിരുന്നു. അത് അത്രേയുള്ളൂ. തന്നോട് മാത്രമല്ല ആ സെറ്റിലെ എല്ലാവരോടും അദ്ദേഹം അങ്ങനെയാണെന്നും പാർവ്വതി പറഞ്ഞു.
അങ്ങനെയുള്ള നടന്മാരെ കാണുമ്പോൾ അവരെപ്പോലെ ആകാൻ കഴിഞ്ഞിരുന്നുവെങ്കിൽ എന്ന് തനിക്ക് തോന്നും. എല്ലാവർക്കും അങ്ങനെ ഒരു സഹ അഭിനേതാവായും സുഹൃത്തായും മാറാൻ തനിക്ക് അവസരം കിട്ടണേ എന്ന് നമ്മൾ ആഗ്രഹിച്ചു പോകുമെന്നും താരം ചൂണ്ടിക്കാട്ടി.