ന്യൂഡൽഹി: കശ്മീരിൽ തട്ടിക്കൊണ്ടുപോയ ജവാനെ ഭീകരർ കൊലപ്പെടുത്തി. തെക്കൻ കശ്മീരിലെ അനന്തനാഗിലാണ് സംഭവം. ജവാന്റെ മൃതദേഹം കണ്ടെത്തി. കൊക്കർ നാഗിലെ വന മേഖലയിൽ നിന്നാണ് ജവാന്റെ മൃതദേഹം കണ്ടെത്തിയത്.
ടെറിട്ടോറിൽ ആർമിയിലെ ജവാൻ ഹിലാൽ അഹമ്മദ് ഭട്ടാണ് കൊല്ലപ്പെട്ടത്. നൌഗാം സ്വദേശിയാണ് അദ്ദേഹം. വെടിയേറ്റ നിലയിലാണ് ജവാന്റെ മൃതദേഹം കണ്ടെത്തിയതെന്ന് അധികൃതർ അറിയിച്ചു.
കഴിഞ്ഞ ദിവസമാണ് അനന്തനാഗിൽ നിന്ന് ജവാനെ ഭീകരർ തട്ടിക്കൊണ്ടുപോയത്. ജവാന്റെ കൊലപാതകത്തിന്റെ ഏറ്റെടുത്ത് നിരോധിതസംഘടനയായ ടിആർഎഫ് രംഗത്തെത്തിയിട്ടുണ്ട്.