എറണാകുളം: നടൻ നിവിൻ പോളിയെ ചോദ്യം ചെയ്ത് പോലീസ്. പീഡനാരോപണവുമായി ബന്ധപ്പെട്ട കേസിലാണ് പ്രത്യേക അന്വേഷണ സംഘത്തിലെ ഉദ്യോഗസ്ഥ ഐശ്വര്യ ഡോഗ്‌റെ നിവിൻ പോളിയെ ചോദ്യം ചെയ്തത്. നിവിൻ പോളി തന്നെ ദുബായിൽ വച്ച് പീഡിപ്പിച്ചുവെന്നായിരുന്നു നേര്യമംഗലം സ്വദേശിനി നൽകിയ പരാതിയിൽ ആരോപിക്കുന്നത്.
അതേസമയം, പരാതിയ്ക്ക് പിന്നിൽ ഗൂഢാലോചനയുണ്ടെന്ന നിവിന്റെ പരാതിയിലും താരത്തിന്റെ മൊഴി അന്വേഷണ സംഘം രേഖപ്പെടുത്തി. തനിക്കെതിരെയുള്ള ആരോപണം വ്യാജമാണെന്ന് നിവിൻ നേരത്തെ പറഞ്ഞിരുന്നു. ഇത് ചൂണ്ടിക്കാട്ടി വിശദമായ അന്വേഷണം ആവശ്യപ്പെട്ട് നിവിൻ പോളി മുഖ്യമന്ത്രിക്കും പരാതി നൽകിയിരുന്നു.
പീഡനം നടന്നുവെന്ന് പരാതിക്കാരി ആരോപിക്കുന്ന സമയം താൻ കൊച്ചിയിലുണ്ടായിരുന്നെന്ന് തെളിയിക്കുന്ന രേഖകളും നിവിൻ അന്വേഷണ സംഘത്തിന് കൈമാറിയിട്ടുണ്ട്.