തിരുവനന്തപുരം: സിനിമാ സെറ്റുകളിൽ വനിതാ കമ്മീഷൻ പരിശോധന നടത്തും. പരാതി പരിഹാര സെൽ പ്രവർത്തിക്കാത്ത ഇടങ്ങളിൽ വനിതാ കമ്മീഷൻ ഇടപെടൽ ഉണ്ടാകും എന്നും പി സതീദേവി അറിയിച്ചു. ഹേമ കമ്മിറ്റി റിപ്പോർട്ടുമായി ബന്ധപ്പെട്ട ഹർജികൾ പരിഗണിക്കാൻ പ്രത്യേക ബഞ്ച് ഹൈക്കോടതി രൂപീകരിച്ചിട്ടുണ്ട്. പത്താം തീയതി ഹൈക്കോടതി കേസ് പരിഗണിക്കുമ്പോൾ വനിതാ കമ്മീഷന്റെ നിലപാട് അറിയിക്കാമെന്നും പി സതീദേവി പറഞ്ഞു.
ഹൈക്കോടതി ഉത്തരവ് വന്നാൽ അത് പ്രാബല്യത്തിൽ വരുത്താൻ ആവശ്യമായ ഇടപെടലുകൾ നടത്തുമെന്നും സതീദേവി ഉറപ്പുനൽകി.