കാസർഗോഡ്: പ്രതിപക്ഷ നേതാവ് വി ഡി സതീശൻ സഞ്ചരിച്ച കാർ അപകടത്തിൽപ്പെട്ടു. കാസർകോട് പള്ളിക്കരയിൽ വച്ചായിരുന്നു അപകടം ഉണ്ടായത്. മുന്നിൽ സഞ്ചരിച്ചിരുന്ന എസ്‌കോട്ട് വാഹനത്തിലാണ് വി ഡി സതീശന്റെ വാഹനം ഇടിച്ചത്. മംഗലാപുരത്തേക്ക് പോവുകയായിരുന്നു വി ഡി സതീശൻ. അപകടത്തിൽ കാറിന്റെ മുൻഭാഗം തകർന്നു. എന്നാൽ ആർക്കും പരിക്കേറ്റിട്ടില്ല.
വി ഡി സതീശൻ കൊല്ലൂരിലേക്കാണ് പോയതെന്നാണ് റിപ്പോർട്ടുകൾ. വൈകിട്ട് അഞ്ചരയോടെയാണ് അപകടം നടന്നത്.