തിരുവനന്തപുരം: നടൻ സിദ്ദിഖിന്റെ മകൻ അന്തരിച്ചു. സിദ്ധിഖിന്റെ മൂത്ത മകൻ റഷീൻ സിദ്ദിഖാണ് മരിച്ചത്. ശ്വാസതടസത്തെ തുടർന്ന് ചികിത്സയിൽ കഴിയവെയാണ് അന്ത്യം.
പടമുകൾ പള്ളിയിൽ നാല് മണിക്ക് റഷീന്റെ ഖബറടക്കം നടക്കും. സാപ്പി എന്ന വിളിപ്പേരിലാണ് റഷീൻ അറിയപ്പെടുന്നത്. നടൻ ഷഹീൻ സിദ്ദിഖ് ഉൾപ്പെടെ സിദ്ദിഖിന് മറ്റ് മക്കൾ കൂടിയുണ്ട്. ഷഹീന്റെ വിവാഹ ദിനത്തിൽ റഷീന്റെ വീഡിയോയും ഫോട്ടോസുമെല്ലാം ഏറെ ശ്രദ്ധ നേടിയിരുന്നു. ഭിന്നശേഷിക്കാരനായ റഷീനെ ഷഹീനും ഭാര്യ അമൃതയും ചേർത്തു പിടിക്കുന്ന വീഡിയോകളാണ് വൈറലായത്.
റഷീന്റെ കഴിഞ്ഞ പിറന്നാൾ ആഘോഷത്തിൽ നിന്നുള്ള ചിത്രങ്ങളും വീഡിയോകളും സമാനമായ രീതിയിൽ വൈറലായിരുന്നു.