മലയാളികളുടെ ഏറ്റവും പ്രിയപ്പെട്ട നടനും താരരാജാവും ഒക്കെയാണ് മോഹൻലാൽ. സിനിമാ ഷൂട്ടിംഗിന്റെ ഇടവേളയിൽ നടന്ന സംഭവത്തിന്റെ വീഡിയോയാണ് ഇപ്പോൾ സാമൂഹ്യ മാദ്ധ്യമങ്ങളിൽ വൈറലാകുന്നത്. വയോധികയായ ഒരു അമ്മയെ ചേർത്തുപിടിച്ച് കുശലാന്വേഷണം നടത്തുന്ന മോഹൻലാലിനെയാണ് വീഡിയോയിൽ കാണാൻ കഴിയുന്നത്. തൊടുപുഴയിലും പരിസരപ്രദേശങ്ങളിലും ഷൂട്ടിംഗ് പുരോഗമിക്കുന്ന ചിത്രത്തിന്റെ ഇടവേളയിലായിരുന്നു സംഭവം.
ഷൂട്ടിംഗ് കഴിഞ്ഞ് തിരികെ വാഹനത്തിലേക്ക് നടക്കുമ്പോൾ ആ അമ്മയെയും മോഹൻലാലും കൂടെ കൂട്ടുകയായിരുന്നു. ഷൂട്ടിംഗ് കഴിഞ്ഞ പോകുകയാണോ എന്ന് അമ്മയുടെ ചോദ്യത്തിന് തങ്ങളെ പറഞ്ഞുവിടാൻ ധൃതിയായോയെന്ന് മോഹൻലാൽ ചോദിക്കുന്നു. മോഹൻലാലിനെ ആ അമ്മ വീട്ടിലേക്ക് ക്ഷണിക്കുകയും ചെയ്യുന്നുണ്ട്. വീട്ടിലേക്ക് വന്നാൽ താറാവ് കറി ഉണ്ടാക്കി തരാമെന്നാണ് വീഡിയോയിൽ അമ്മ പറയുന്നത്. അമ്മയെ ചേർത്തു പിടിച്ചാണ് മോഹൻലാൽ തന്റെ സ്‌നേഹം അറിയിക്കുന്നത്. വീണ്ടും കാണാമെന്ന് പറഞ്ഞാണ് ആ അമ്മയെ മോഹൻലാൽ യാത്രയാക്കിയത്.
ഈ വീഡിയോ ഇതിനോടകം തന്നെ ആരാധകർ ഏറ്റെടുത്തു കഴിഞ്ഞു.