ന്യൂഡൽഹി: പ്രധാനമന്ത്രിയായി സത്യപ്രതിജ്ഞ ചെയ്ത് നരേന്ദ്ര മോദി. മൂന്നാം തവണയാണ് നരേന്ദ്ര മോദി രാജ്യത്തിന്റെ പ്രധാനമന്ത്രിയായി സത്യപ്രതിജ്ഞ ചെയ്യുന്നത്. രാജ്‌നാഥ് സിങ് ആണ് രണ്ടാമത് സത്യപ്രതിജ്ഞ ചെയ്തത്. മൂന്നാമത് അമിത് ഷായും നാലാമത് ജെ പി നദ്ദയും അഞ്ചാമത് നിതിൻ ഗഡ്കരിയും സത്യപ്രതിജ്ഞ ചെയ്തു. രാജ്ഭവനിൽ വെച്ചായിരുന്നു ചടങ്ങ് നടന്നത്. രാഷ്ട്രപതി ദ്രൗപതി മുർമുവാണ് സത്യവാചകം ചൊല്ലിക്കൊടുത്തത്.
മാലദ്വീപ് പ്രസിഡന്റ് മുഹമ്മദ് മുയ്‌സുവും ബംഗ്ലാദേശ് പ്രധാമന്ത്രി ഷെയ്ഖ് ഹസീനയും സത്യപ്രതിജ്ഞാ ചടങ്ങിൽ പങ്കെടുക്കാനെത്തിയിരുന്നു. രാജ്യസഭ പ്രതിപക്ഷ നേതാവ് മല്ലികാർജ്ജുൻ ഖാർഗെയും ബോളിവുഡ് സിനിമാ താരങ്ങളും സത്യപ്രതിജ്ഞ ചടങ്ങിൽ പങ്കെടുന്നുണ്ട്. ഷാരൂഖ് ഖാൻ, അക്ഷയ് കുമാർ, അനിൽ കുമാർ എന്നിവരും ചീഫ് ജസ്റ്റിസ് ഡിവൈ ചന്ദ്രചൂഢ്, മുകേഷ് അംബാനി തുടങ്ങിയ പ്രമുഖരും സത്യപ്രതിജ്ഞാ ചടങ്ങിൽ പങ്കെടുത്തു.
നിർമ്മലാ സീതാരാമൻ, പീയുഷ് ഗോയൽ, എച്ച് ഡി കുമാരസ്വാമി, പ്രൾഹാദ് ജോഷി, മനോഹർ ലാൽ ഖട്ടാർ, എസ് ജയശങ്കർ, സർബാനന്ദ സെനോവാൾ, ജുവൽ ഓറം തുടങ്ങിയവരും സത്യപ്രതിജ്ഞ ചെയ്തു.