ന്യൂഡൽഹി: പൂർണമായും തദ്ദേശീയമായി നിർമ്മിച്ച റൈഫിൾ പുറത്തിറക്കി ഇന്ത്യ. ഡിഫൻസ് റിസർച്ച് ആൻഡ് ഡെവലപ്മെന്റ് ഓർഗനൈസേഷനാണ് തദ്ദേശീയമായി നിർമ്മിച്ച റൈഫിൾ പുറത്തിറക്കിയത്. ഇന്ത്യൻ സൈന്യത്തിന്റെ ആവശ്യങ്ങൾ നിറവേറ്റുന്നതിനായി ഭാര കുറഞ്ഞ റൈഫിളായ ‘ഉഗ്രം’ ആണ് ഡിആർഡിഒ പുറത്തിറക്കിയത്. ഇതിന്റെ ഭാരം നാല് കിലോഗ്രാമിൽ താഴെയാണ്. 7.62 x 51mm അസോൾട്ട് റൈഫിളിന്റെ പ്രോട്ടോടൈപ്പ് ARDE ഡയറക്ടർ എ രാജുവിന്റെ സാന്നിധ്യത്തിൽ ഡയറക്ടർ ജനറൽ ഡോ എസ്വി ഗേഡ് അനാച്ഛാദനം ചെയ്തു.
ഉഗ്രം വികസിപ്പിച്ചിരിക്കുന്നത് ആർമമെന്റ് റിസർച്ച് ആൻഡ് ഡെവലപ്മെന്റ് എസ്റ്റാബ്ലിഷ്മെന്റ്സ് (എആർഡിഇ) എന്ന സ്വകാര്യ സ്ഥാപനവുമായി സഹകരിച്ചാണ്. റെക്കോർഡ് വേഗത്തിലാണ് ആയുധം വികസിപ്പിക്കാൻ കഴിഞ്ഞതെന്നാണ് ഡിആർഡിഒ വ്യക്തമാക്കിയിട്ടുള്ളത്. അന്താരാഷ്ട്ര നിലവാരം പുലർത്തുന്ന റൈഫിളാണ് ഉഗ്രം.
ആഭ്യന്തരമന്ത്രിക്കും മുതിർന്ന സൈനിക ഉദ്യോഗസ്ഥർക്കും റൈഫിളിന്റെ മാതൃക അയച്ചിട്ടുണ്ടെന്നും സ്വതന്ത്ര വിദഗ്ധ സമിതിയുടെ പരീക്ഷണ നിരീക്ഷണങ്ങൾക്ക് ശേഷമാകും ഇവ വിന്യസിക്കുകയെന്നും അധികൃതർ വ്യക്തമാക്കി.