ഗവർണർക്കെതിരെ കടുത്ത വിമർശനവുമായി വനം മന്ത്രി എ കെ ശശീന്ദ്രൻ. ആർഎസ്എസുകാരനെ പോലെയാണ് ഗവർണർ പ്രവർത്തിക്കുന്നത്. കേരളത്തിന്റെ സമാധാനാന്തരീക്ഷം തകർക്കുന്നു. ഗുണ്ടകളെ പോലെ കാറിൽ നിന്നിറങ്ങി പെരുമാറിയത് ഗവർണർ. യുദ്ധ പ്രഖ്യാപനം ഗവർണർ നടത്തുന്നത് ജനങ്ങളോടെന്നും മന്ത്രി വ്യക്തമാക്കി. എസ്എഫ്ഐയുടേത് പ്രഖ്യാപിത സമരം. കഥകളുണ്ടാക്കി ഗവർണർ ഹീറോയാകുന്നു. ഗവർണർക്കെതിരെ സർക്കാർ ഗൂഢാലോചനയില്ലെന്നും മന്ത്രി എ കെ ശശീന്ദ്രൻ പറഞ്ഞു.
പൊലീസിന് സംഭവത്തിൽ വീഴ്ച്ചയുണ്ടായെന്ന് രാജ്ഭവൻ അറിയിച്ചു. ഗുരുതര പ്രോട്ടോകോൾ ലംഘനമാണ് നടന്നത് എന്നും അറിയിച്ചു. ഗവർണറുടെ വാഹനം SFI പ്രവർത്തകർ ആക്രമത്തിച്ചതിൽ വിശദ അന്വേഷണത്തിന് പൊലീസ്. റിപ്പോർട്ട് പ്രതിഷേധത്തിന്റെ ദൃശ്യങ്ങൾ പരിശോധിച്ച് നൽകാൻ എഡിജിപിക്ക് നിർദേശം നൽകി. അറസ്റ്റിലായ 11 എസ്എഫ്ഐ പ്രവർത്തകർക്കെതിരെ ജാമ്യമില്ലാ വകുപ്പ് പ്രകാരമാണ് കേസ്.