സി എം ആർ എല്ലിൽ നിന്നും പണം കൈപറ്റിയവരുടെ പട്ടികയിലെ പി വി എന്ന ചുരുക്കപ്പേര് തന്റേതായിരിക്കില്ലെന്നും ഈ നാട്ടിൽ എത്രയോ പി വി മാരുണ്ടെന്നും പിണറായി വിജയൻ പറഞ്ഞു. കഴിഞ്ഞ ദിവസം നടന്ന വാർത്താസമ്മേളനത്തിലാണ് മുഖ്യമന്ത്രി ഇക്കാര്യം പറഞ്ഞത്. 7 മാസത്തെ ഇടവേളക്ക് ശേഷമാണ് മുഖ്യമന്ത്രി മാധ്യമങ്ങളെ കാണുന്നത്. വാർത്താസമ്മേളനത്തിൽ തനിക്കും മകൾ വീണാ വിജയനും നേരെ ഉയരുന്ന മാസപ്പടി ആരോപണങ്ങളെല്ലാം മുഖ്യമന്ത്രി നിഷേധിച്ചു. ഇന്ററിം സെറ്റിൽമെന്റ് ബോർഡിന്റെ റിപ്പോർട്ടുകളെല്ലാം രാഷ്ട്രീയ പ്രേരിതമാണെന്നും അദ്ദേഹം വാർത്ത സമ്മേളനത്തിൽ പറഞ്ഞു. തന്നെ എങ്ങനെയെങ്കിലും ഇടിച്ചുതാഴ്ത്താനാണ് മാധ്യമങ്ങൾ ശ്രമിക്കുന്നത് എന്നും മുഖ്യമന്ത്രി പറഞ്ഞു.
2023-09-21