ഫുട്ബോളിനെ അത്രയേറെ സ്നേഹിക്കുന്നവരാണ് മലയാളികൾ. പ്രത്യേകിച്ച് മലപ്പുറംകാർ. മഴ എത്തിയാൽ മലപ്പുറത്തെ ഫുട്ബോൾ പ്രേമികൾക്ക് പിന്നെ ആഘോഷമാണ്. ഫുട്ബോൾ ക്ലബ്ബുകൾ ചേർന്ന് മഡ് ഫുട്ബോൾ നടത്താറുണ്ട്. പാടത്ത് കെട്ടിനിൽക്കുന്ന ചെളിവെള്ളത്തിൽ ബൂട്ട് ഇടാതെയാണ് മത്സരം സംഘടിപ്പിക്കാറുള്ളത്. കണ്ടം കളി എന്ന് എന്ന് പലപ്പോഴും പരിഹസിക്കാറുള്ള ഈ ടൂർണമെന്റ് ടൂറിസം വകുപ്പ് പോലും ഏറ്റെടുത്തിട്ടുണ്ട്.
അത്തരത്തിൽ കഴിഞ്ഞ ദിവസം ജില്ലാ ടൂറിസം വകുപ്പ് സംഘടിപ്പിച്ച കണ്ടം കളിയാണ് ആവേശമായിരിക്കുന്നത്. ഒരു ടീമിൽ അഞ്ചുപേരാണ് കളത്തിലിറങ്ങിയത്. ടൂർണമെന്റിൽ സിൻസിയർ കവല ജേതാക്കളായി. ജാങ്കോസ് എഫ് സി കാരാടിനെ ഷൂട്ടൗട്ടിലൂടെ പരാജയപ്പെടുത്തിയാണ് കവല ജേതാക്കളായത്. ജില്ലയുടെ വിവിധ ഭാഗങ്ങളിൽ നിന്നുള്ള 16 ടീമുകൾകളാണ് ടൂർണമെന്റിൽ പങ്കെടുത്തത്.