സിപിഎം ആറു തവണയെങ്കിലും തന്നെ കൊല്ലാന് ശ്രമിച്ചിട്ടുണ്ടെന്നു കെപിസിസി പ്രസിഡന്റ് കെ സുധാകരന്. തന്നെ കൊല്ലാന് ഗൂഢാലോചന നടത്തിയവര് ഇന്ന് പാര്ട്ടിയിലും സര്ക്കാരിലും ഉന്നതസ്ഥാനങ്ങളിലിരുന്ന് ഇപ്പോഴും ഗൂഢാലോചന തുടരുകയാണെന്നും സുധാകരന് പറഞ്ഞു. നിരവധി വധശ്രമങ്ങള് താന് അറിയാതെ നടന്നിട്ടുണ്ട്.
പോയ വഴിയെ തിരിച്ചുവരാതിരുന്നും കാറിന്റെ നമ്പര് പ്ലേറ്റ് മാറ്റിയും കാര് മാറിക്കയറിയുമൊക്കെയാണ് രക്ഷപ്പെത്. സിപിഎമ്മുകാര് രക്തസാക്ഷിയായി കൊണ്ടാടുന്ന നാല്പാടി വാസുവിന്റെ മരണം തനിക്കെതിരേ നടന്ന ബോംബാക്രമണത്തെ തുടര്ന്നാണെന്നും സുധാകരൻ പറഞ്ഞു.
സിപിഎം തയാറാക്കിയ നിരവധി വധശ്രമങ്ങള് പല കാരണങ്ങളാല് നടക്കാതെപോയതിനെക്കുറിച്ച് പിന്നീട് താന് കേട്ടിട്ടുണ്ട്. സിപിഎം എത്ര ശ്രമിച്ചാലും തന്നെ കൊല്ലാനാകില്ല. ദൈവം വിച്ചാരിച്ചാലേ അതു നടക്കൂ എന്ന് ദൈവവിശ്വാസിയായ താന് വിശ്വസിക്കുന്നു. ജീവന് കൊടുക്കാന് തയാറായി തന്നെ സംരക്ഷിക്കുന്ന പാര്ട്ടിക്കാര്ക്ക് വേണ്ടി താന് ജീവന് കൊടുത്തും പോരാടുമെന്ന് സുധാകരന് പറഞ്ഞു.