തിരുവനന്തപുരം: ഏകദിന ലോകകപ്പിന് വേദിയാകാന് തിരുവനന്തപുരം കാര്യവട്ടം ഗ്രീന്ഫീല്ഡ് സ്റ്റേഡിയം ഒരുങ്ങുന്നു. ബിസിസിഐ പുറത്തിറക്കിയ ലോകകപ്പ് ചുരുക്കപ്പട്ടികയിലാണ് ഗ്രീന്ഫീല്ഡ് സ്റ്റേഡിയം ഇടപ്പിടിച്ചിരിക്കുന്നത്.
അഹമ്മദാബാദ്, നാഗ്പുര്, ബെംഗളൂരു, മുംബൈ, ഡല്ഹി, ലക്നൗ, ഗുവാഹത്തി, ഹൈദരാബാദ്, കൊല്ക്കത്ത, രാജ്കോട്ട്, ഇന്ഡോര്, ധര്മ്മശാല, ചെന്നൈ എന്നീ വേദികളും പട്ടികയില് ഇടം പിടിച്ചിട്ടുണ്ട്.
ഏകദിന മത്സരങ്ങള്ക്ക് പുറമേ പരിശീലന മത്സരങ്ങളും ഇവിടെ നടക്കും. എന്നാല് പട്ടികയില് ഉള്പ്പെട്ടിട്ടുള്ളതില് ഏഴു വേദികളില് മാത്രമായിരിക്കും ഇന്ത്യയുടെ ലീഗ് മത്സരങ്ങള് നടക്കുക. ഐപിഎല് സീസണ് അവസാനിച്ച ശേഷമായിരിക്കും ഇത് സംബന്ധിച്ച ഔദ്യോഗിക പ്രഖ്യാപനം ഉണ്ടാകുക.