മണിരത്നത്തിന്റെ സംവിധാനത്തിലൊരുങ്ങിയ പൊന്നിയിന് സെല്വന് 2 തിയറ്റേറുകളിലെത്തി നാല് ദിവസം കൊണ്ട് 200 കോടി ക്ലബ്ബില് ഇടംപിടിച്ചു.
തമിഴ്, മലയാളം, തെലുങ്ക്, കന്നഡ ഹിന്ദി ഭാഷകളിലെത്തിയ ചിത്രത്തിന് മികച്ച പ്രതികരണമാണ് ലഭിക്കുന്നത്. ലോകമെമ്ബാടുമുള്ള തിയേറ്ററുകളില് റിലീസിനെത്തിയ ചിത്രം നാല് ദിവസം കൊണ്ട് 200 ക്ലബ്ബില് ഇടംനേടിയ വിവരം നിര്മാതാക്കളായ മദ്രാസ് ടാക്കീസാണ് ട്വിറ്ററിലൂടെ പങ്കുവെച്ചത്.
ഏപ്രില് 28-ന് തിയേറ്ററിലെത്തിയ ചിത്രം ആദ്യദിനം തന്നെ ബോക്സോഫീസില് വമ്ബന് ഹിറ്റായിരുന്നു. തമിഴ്നാട്ടില് നിന്നും 25 കോടിയാണ് ചിത്രം നേടിയത്. ആന്ധ്രാപ്രദേശിലും തെലങ്കാനയിലും ചിത്രം നാല് കോടി കളക്ഷന് നേടി. കര്ണാടകയില് 4-5 കോടിയും നേടി. പിഎസ്1 ആദ്യദിനത്തില് 40 കോടിയായിരുന്നു കളക്ഷന് നേടിയത്. 105.02 കോടിയാണ് ഇന്ത്യയിലെ നാല് ദിവസത്തെ കളക്ഷന്.