വാട്സ്ആപ്പ് മലയാളത്തില് ഉപയോഗിക്കണോ?
ലോകത്ത് ഏറ്റവുമധികം ഉപയോക്താക്കളുള്ള ഇന്സ്റ്റന്റ് മെസേജിങ് പ്ലാറ്റ്ഫോമുകളിലൊന്നാണ് വാട്സ്ആപ്പ്. ഇന്ത്യയില് മാത്രം 390 മില്ല്യണ് ആളുകള് വാട്സ്ആപ്പ് ഉപയോഗിക്കുന്നു. വാട്സ്ആപ്പിലെ യൂസര് ഫ്രണ്ട്ലി ആയ ഫീച്ചറുകളില് ഒന്നാണ് പ്രാദേശിക ഭാഷ പിന്തുണ. ഇന്ത്യയില് 10 പ്രാദേശിക ഭാഷകളിലാണ് വാട്സ്ആപ്പ് ഉപയോഗിക്കാന് കഴിയുന്നത്. ഹിന്ദി, തമിഴ്, ഗുജറാത്തി, കന്നഡ, ബംഗാളി എന്നിവക്കൊപ്പം നമ്മുടെ മലയാളത്തിലും വാട്സ്ആപ്പ് ഉപയോഗിക്കാം.
വാട്സ്ആപ്പില് എങ്ങനെ ഭാഷ മാറ്റാം?
വാട്സ്ആപ്പില് ഭാഷ മാറ്റാന് ആദ്യം നിങ്ങളുടെ ഫോണില് വാട്സ്ആപ്പ് തുറക്കുക.
തുടര്ന്ന് മൂന്ന് ലംബ ഡോട്ടുകളില് (ഹാംബര്ഗര് ഐക്കണ്) ടാപ്പ് ചെയ്യുക. തുറന്ന് വരുന്ന ഡ്രോപ്പ്ഡൌണ് മെനുവില് നിന്നും സെറ്റിങ്സ് സെലക്റ്റ് ചെയ്യുക.
സെറ്റിങ്സില് ടാപ്പ് ചെയ്ത് ചാറ്റുകള് തിരഞ്ഞെടുക്കുക.
തുടര്ന്ന് ആപ്പ് ലാംഗ്വേജ് തിരഞ്ഞെടുത്ത് ഇഷ്ടപ്പെട്ട ഭാഷ നല്കുക. ഇവിടെ മലയാളവും കാണാന് കഴിയും.
ആന്ഡ്രോയിഡ് ഡിവൈസിന്റെ ഭാഷ മാറ്റാന്…
ആന്ഡ്രോയിഡ് ഡിവൈസിന്റെ ഭാഷ മാറ്റുന്നതിന് ആദ്യം നിങ്ങളുടെ ആന്ഡ്രോയിഡ് ഡിവൈസില് സെറ്റിങ്സ് ആപ്പ് ഓപ്പണ് ചെയ്യുക.
സെറ്റിങ്സില് നിന്നും ജനറല് മാനേജ്മെന്റ് ഓപ്ഷന് സെലക്റ്റ് ചെയ്യുക.
ജനറല് മാനേജ്മെന്റ് സെക്ഷനില് ഏറ്റവും മുകളിലായി ലാംഗ്വേജ് ഓപ്ഷന് കാണാം.
ലാംഗ്വേജ് ഓപ്ഷനില് ടാപ്പ് ചെയ്യുക.
തുടര്ന്ന് ആഡ് ലാംഗ്വേജ് ഓപ്ഷനില് ടാപ്പ് ചെയ്ത് മലയാളം തിരഞ്ഞെടുക്കുക.
ഐഒഎസ് ഡിവൈസുകളില് ഭാഷ മാറ്റാന്…
ഐഒഎസ് ഡിവൈസുകളില് ഭാഷ മാറ്റാന് ആദ്യം നിങ്ങളുടെ ഐഫോണിലെ സെറ്റിങ്സിലേക്ക് പോകുക.
തുടര്ന്ന് ജനറല് ഓപ്ഷനില് ക്ലിക്ക് ചെയ്ത് ഭാഷയും പ്രദേശവും തിരഞ്ഞെടുക്കുക.
അടുത്തതായി, ഐഫോണ് ഭാഷകള് തിരഞ്ഞെടുക്കുക.
തുടര്ന്ന് ഒരു ഭാഷ തിരഞ്ഞെടുത്ത് ചെയ്ഞ്ച് റ്റു ലാംഗ്വേജ് എന്ന ഓപ്ഷനില് ടാപ്പ് ചെയ്യുക.