ആരോഗ്യകരമായ ജീവിതശൈലി: പോഷകസമ്പുഷ്ടമായ അഞ്ച് പ്രഭാത ഭക്ഷണങ്ങൾ
ആരോഗ്യകരമായ ജീവിതം നിലനിർത്തുന്നതിൽ പ്രധാന പങ്കുവഹിക്കുന്നവയാണ് ഭക്ഷണം. രോഗപ്രതിരോധശേഷി വർദ്ധിപ്പിക്കാനും ആരോഗ്യത്തോടെയിരിക്കാനും നല്ല ഭക്ഷണങ്ങൾ കഴിക്കണം. പോഷക സമ്പുഷ്ടമായ അഞ്ച് പ്രഭാത ഭക്ഷണങ്ങളെ കുറിച്ച് അറിയാം.
- ഇഡ്ഡലി
ഏറ്റവും മികച്ച പ്രഭാത ഭക്ഷണങ്ങളിലൊന്നാണ് ഇഡ്ഡലി. ഇഡ്ഡലി കഴിച്ചാൽ ദഹന പ്രക്രിയ വേഗത്തിലാകും. ഇഡ്ഡലി കഴിച്ചാൽ അമിതവണ്ണം ഉണ്ടാകുകയുമില്ല.
- ഓട്സ്
ആരോഗ്യകരമായ പ്രഭാതഭക്ഷണമാണ് ഓട്സ്. ഇരുമ്പ്, ബി വിറ്റാമിനുകൾ, മാംഗനീസ്, മഗ്നീഷ്യം, സിങ്ക്, സെലിനിയം എന്നിവ ഓട്സിൽ ധാരാളം അടങ്ങിയിട്ടുണ്ട്.
- ഓംലറ്റ്
പ്രോട്ടീന്റെ ഉറവിടമാണ് മുട്ട. ഒരു മുട്ടയിൽ കുറഞ്ഞത് 6 ഗ്രാം പ്രോട്ടീൻ അടങ്ങിയിട്ടുണ്ട്. അതിനാൽ, ശരീരത്തിന് ആവശ്യമായ ദൈനംദിന പ്രോട്ടീൻ ആവശ്യകത പൂർത്തിയാക്കുന്നതിനുള്ള മികച്ച ഭക്ഷണമാണ് ഓംലറ്റ്.
- ഉപ്പുമാവ്
ആരോഗ്യകരമായ പ്രഭാത ഭക്ഷണങ്ങളിലൊന്നാണ് ഉപ്പുമാവ്. ഇത് കഴിക്കുന്നതിലൂടെ ദിവസം മുഴുവൻ നിലനിൽക്കാൻ ആവശ്യമായ ഊർജ്ജം ശരീരത്തിന് ലഭിക്കും.
- വെജിറ്റബിൾ സാൻഡ്വിച്ച്
പോഷകസമ്പന്നമായ ഭക്ഷണമാണ് വെജിറ്റബിൾ സാൻഡ്വിച്ച്. അതിനാൽ ഇത് പ്രഭാത ഭക്ഷണത്തിൽ ഉൾപ്പെടുത്തുന്നത് വളരെ നല്ലതാണ്. ശരീരത്തിന് വേണ്ട പോഷക ഘടകങ്ങളും പ്രോട്ടീനുമെല്ലാം ഇതിൽ നിന്നും ലഭിക്കും.