കൊച്ചി: സംസ്ഥാനത്ത് സ്വർണ്ണവില വീണ്ടും കുറഞ്ഞു. ഇന്ന് പവന് 80 രൂപയാണ് കുറഞ്ഞത്. 54,160 രൂപയാണ് ഒരു പവൻ സ്വർണ്ണത്തിന്റെ വില. ഗ്രാമിന് 10 രൂപ കുറഞ്ഞ് 6770 രൂപയാണ് ഒരു ഗ്രാം സ്വർണ്ണത്തിന്റെ വില.
ഈ മാസത്തിന്റെ തുടക്കത്തിൽ 53,000 രൂപയായിരുന്നു സ്വർണ്ണവില. പിന്നീടുള്ള ദിവസങ്ങളിൽ സ്വർണ്ണവില 2000 രൂപയോളം വർധിച്ച് 55,000 രൂപയിലെത്തി. പിന്നീടുള്ള ദിവസങ്ങളിൽ തുടർച്ചയായി വില ഇടിഞ്ഞു. കഴിഞ്ഞ 5 ദിവസത്തിനിടെ 840 രൂപയാണ് സ്വർണ്ണവിലയിലുണ്ടായ ഇടിവ്.